10.11.2025 03:35

MIRZACHO'L AGROSANOAT TEXNIKUMI O'QUVCHILARI UCHUN TOSHKENT SHAHRIGA SAYOHAT TASHKIL ETILDI

Mirzacho‘l agrosanoat texnikumida o‘quv yilining boshidan buyon dars jarayonlarida muntazam qatnashib, texnikum tadbirlarida faol ishtirok etgan, tartib-intizomi namunali bo‘lgan guruh o‘quvchilari hamda “Zakovat” intellektual o‘yinining g‘olib jamoalari uchun Toshkent shahriga qiziqarli va mazmunli sayohat tashkil etildi. Sayohat davomida o‘quvchilar: “G‘alaba bog‘i” va “Shon-sharaf” muzeyi Alisher Navoiy nomidagi O‘zbekiston Milliy kutubxonasi Muz saroyi (Ice City) Toshkent hayvonot bog‘i kabi qator ma’rifiy va dam olish maskanlariga tashrif buyurishdi. Shuningdek, o‘quvchilar Toshkentning mashhur “Besh Qozon” restoranida uch mahal sifatli ovqat bilan ta’minlandi. Mazkur sayohatning barcha xarajatlari texnikumning bundjetdan tashqari mablag’lari hisobidan qoplandi. Bu kabi tashabbuslar yoshlarning bilimga bo‘lgan qiziqishini orttirish, dunyoqarashini kengaytirish hamda ularda yurtimizga bo‘lgan faxr va sadoqat tuyg‘ularini mustahkamlashga xizmat qiladi.